BLOG DOS SEIXALBIÑOS: RECORDOS NA MALETA.A EXPOSICIÓN

E os Seixalbiños e Seixalbiñas tiñamos que ir.

Foi o pasado venres 2 de xuño aproveitando que a choiva parara.

Trala andaina por esa contorna fermosa e tras 20 minutiños ...chegabamos o noso querido Seixalbo

Nos locales da Asociación Cultural AGROMADAS e a Asociación de veciños SAN BREIXO ía comezar a nosa volta ó mundo grazas a Exposición Recordos na Maleta, o proxecto deste curso no noso cole.

Por unha banda EXIPTO coa súas pirámides, o río Nilo,unha CLEPSIDRA (reloxo de auga) e moitísimas cousiñas que investigaron os nenos e nenas de 1º

Tamén PAÍSES BAIXOS cos seus muíños,os seus ricos queixos, os seus coloridos tulipáns... que coñecimos polos traballosdos amigos e amigas de 2º.

E USA coa súa famosa estatua da Liberdade, a súa vistosa bandeira,... A Teacher Isa e @s maiores fixeron un traballo fantástico.

E alí o seu carón estaban os países sobre os que nós, @s Seixalbiñ@s traballamos todo o curso

MEXICO BRASIL ITALIA

Sabemos tantas cousas deses países!

Por outra banda,cruzando a rúa estaban REINO UNIDO co seu Big Ben,cunha vermella cabina de teléfonos e, por suposto, unha mesa preparada para a hora do té que preparou o alumnado de 4º

XAPÓN cos seus templos milenarios,os seus kimonos, as loitas de sumo,... Alucinamos coa cantidade de marcas de coches que naceron alí. Todo o aprendimos grazas ós traballos de 6º

A Torre Eifel, o Arco de Triunfo, Notre Dame e o Museo Louvre nos esparaban porque chegaramos a FRANCIA. Coñecimos a Napoleón, ó Principiño,... pero tamén outra cousa moi importante, por se alguén non o sabe, alí está Disneyland en París (a capital de Francia).Grazas profe Isa e amig@s de 3º por ensinarnos tantas cousas.

E así, coma quen non quere a cousa, chegamos o país dos canguros e os Koalas,AUTRALIA.É un país súper especial que coñecimos grazas ós amigos e amigas de 5º.

Aprendimos,xogamos,...